एक सयले बढ्यो सुनको मूल्य, आज कति छ तोलाको ?

स्थानीय बजारमा पहेँलो धातुको मूल्य आज तोलामा रु एक सयले उकालो लागेको छ ।

नेपाल सुनचाँदी व्यवसायी महासङ्घका अनुसार आइतबार तोलामा रु एक लाख ५२ हजार १०० मा कारोबार भएको छापावाला सुन आजका लागि भने रु एक लाख ५२ हजार दुई सय निर्धारण भएको छ ।

यस्तै चाँदीको मूल्य तोलामा रु ५ ले बढेको छ । आइतबार प्रतितोला रु एक हजार सात सय ५० मा कारोबार भएको चाँदी आजका लागि भने रु एक हजार सात सय ५५ निर्धारण भएको छ ।