संसदीय छानबिन समितिले नेपाली कांग्रेसका उपसभापति तथा पूर्व कानुन मन्त्री धनराज गुरुङ ललितपुरको मितेरी सहकारीको रकम अपचलनका विषयमा स्थलगत जानकारी लिएको छ
कांग्रेस उपसभापति धनराजकी श्रीमती मञ्जु गुरुङले सहकारीको करिब १५ करोड रकम अपचलन गरेको सम्बन्धमा विहीबार समितिका सभापति सूर्य थापासहितका सदस्यहरूले सो सहकारीको स्थलगत निरीक्षण गरेको हो ।
नेपाल प्रेसको समाचार अनुसार निरीक्षणका क्रममा सहकारीका अध्यक्ष कुम्भराज गुरुङसँग धनराज दम्पती जोडिएको बचत अपचलनको विषयमा समेत सोधपुछ गरेको थियो ।
समितिका सभापति थापाले मितेरीमा समेत गएर अध्यक्ष कुम्भराजसँग सोधपुछ गरिएको बताउँदै डिभोर्स भएको भनिए पनि श्रीमतीको नाममा रहेको ऋण धनराज आफैंले आएर तिरेको दावी सहकारीका अध्यक्ष गुरूङले गरेको बताउनुभयो ।
एक महिनाअघि मात्रै आएर धनराजले ऋणको पैसा तिरेको र कागजीरूपमा डिभोर्स भएको भनिए पनि वास्तविक नभएको तर्क अध्यक्ष गुरूङले समितिसमक्ष गर्नुभएको समाचाररमा जनाइएको छ ।
सहकारी ठगी प्रकरणमा मुछिएका कांग्रेस उपसभापति गुरुङले श्रीमतीसँग ५ वर्षअघि सम्बन्ध बिच्छेद भएको भने पनि कतिपय घटनाक्रमले उक्त सम्बन्ध बिच्छेद ‘सहकारी डिभोर्स’ मात्र भएको टिप्पणी गरेका छन् ।
यसअघि समितमै बोलाएर पनि उनको बयान लिइएको थियो । त्यसक्रममा अध्यक्ष गुरुङले तत्कालीन महाप्रबन्धक ज्योति गुरुङले गरेको रकम हिनामिना र त्यसपछि धनराज आफैं सन्चालक समिति बैठकमा बसेर रकम फिर्ता गर्ने भनी गरेको सम्झौताबारे जानकारी गराएका थिए ।
समितसंग सहकारीका अध्यक्ष गुरुङले एक महिनाजति अघिमात्र धनराजले डिभोर्स भएको भनिएकी श्रीमती ज्योतिको नाममा ऋण समेत तिरेको बताए ।
धनराजले २०७६ सालमै ज्योतिसँग सम्बन्ध बिच्छेद भइसकेको र ज्योतिले गरेको सहकारी बचत हिनामिनासँग आफ्नो सम्बन्ध नरहेको बताउँदै आउनुभएको छ ।
प्रतिक्रिया राख्नुहोस्