राजनीति

दुर्गा प्रसाईं भक्तपुरबाट पक्राउ

विद्युतीय कारोबार ऐन अन्तर्गत पक्राउ पूर्जी जारी भएका मेडिकल व्यवसायी दुर्गा प्रसाईंलाई प्रहरीले आइतबार भक्तपुरबाट पक्राउ गरेको छ।

नेपाल प्रहरीका प्रवक्ता दानबहादुर कार्कीका अनुसार परेको उजूरीका आधारमा साइबर ब्यूरोबाट खटिएको टोलीले उहाँलाई पक्राउ गरेको हो ।

प्रसाईंलाई पक्राउ गर्न जिल्ला अदालत, काठमाडौंले दिएको पक्राउ पूर्जी लिएर गएको प्रहरीले उहाँलाई निवासबाटै पक्राउ गरेको हो ।

प्रसाईंलाई पक्राउ गर्न प्रहरी भक्तपुरको मध्यपुर थिमी नगरपालिका–६ कमेरोटारस्थित उहाँको घरमै गएको थियो । घरको गेट नखोलेपछि प्रहरी कमाउण्ड नाघेर भित्र प्रवेश गरी नियन्त्रणमा लिएको हो ।

केही दिनअघि जिल्ला अदालत, काठमाडौंले साइबर ब्यूरोमा परेको जाहेरीका आधारमा प्रसाईंलाई पक्राउ गरेर अनुसन्धान गर्न प्रहरीलाई अनुमति दिएको थियो ।

प्रतिक्रिया राख्‍नुहोस्

सम्बन्धित खबर

Back to top button

Adblock Detected

Please turn off the Ad Blocker go get the website work properly.