गीतकार दीपेन्द्र अधिकारीले दशैंको अवसर पारेर परदेशीका युवाहरुको भावनालाई समेट्दै प्राकृतिक विपत्तिले खोसेको खुसीलाई सुन्दर गीत र भिडियोमार्फत सार्वजनिक गर्नुभएको छ ।
परदेशमा चाडबाडको रमझम, गाउँघरमा आमाबाबुको छटपटी, कामको चाप जस्ता बाध्यताकाबीच परिवारकै सुखका लागि परदेशिएका युवाहरुको व्यथा गीतले समेटेको छ ।
नेपालीहरुको राष्ट्रिय पर्व दशैं र तिहारको पूर्ण झल्को दिने गरी तयार भएको गीतको म्यूजिक भिडियोले गाउँघरको याद र न्यास्रोपन केही हदसम्म मेटाउने जमर्को गरिएको छ ।
म्यूजिक भिडियोको अन्त्यतिर नेपालको बाढी, पहिरो, डुबान तथा दशैं तिहारका बेला हुने सडक दुर्घटनाको सन्दर्भलाई मार्मिक रुपमा प्रस्तुत गरिएको छ ।
दीपेन्द्र अधिकारीको रचना, साहश शाक्यको संगीत र स्वर तथा एरेन्ज रहेको ‘फर्किन्छु यसपाली’ डिए क्रियशनबाट सार्वजनिक भएको गीतको मिक्सिङसुदेस्ना इन्टरटेनमेन्ट एण्ड अकाउस्टिक नेपाल र मास्टरिङ चन्द्र चौधरीको छ ।
प्रस्तुत गीतको भिडियो रोहन नेपालीले निर्देशन गर्नुभएको छ भने डिओपी अनुप गुरुङ, सम्पादन नहकुल खड्का, श्रृङ्गार जय गुरुङ तथा पोष्ट प्रडक्सन नताशा क्रियशनको रहेको छ ।
खुसी, उमंग र वियोगले भरिएको म्यूजिक भिडियोमा तेज गिरी, प्रकाश घिमिरे, मधु क्षेत्री, प्रमिला तुलाचन, विनोद नेपाली र सुमन कार्कीले सशक्त अभिनय गर्नुभएको छ ।
प्रतिक्रिया राख्नुहोस्