जन सरोकार
मृत अवस्थामा चार जना फेला
देशका विभिन्न स्थानबाट मृत अवस्थामा चार जना फेला परेका छन् । सुनसरी, धरान उपमहानगरपालिका-१७ स्मृतिमार्ग बस्ने ३८ वर्षीया उमा सार्की आफ्नै घरमा शनिबार मृत अवस्थामा फेला परेकी छिन् ।
त्यस्तै स्याङ्जा, भिरकोट नगरपालिका-९ सिस्नेरीस्थित खोलामा सोही नगरपालिका सिलडाँडा बस्ने ५५ वर्षीय ओम बहादुर सार्की शनिबार मृत अवस्थामा फेला परेका छन् । यस्तै दाङ, तुलसीपुर उपमहानगरपालिका-२ कुमलगडि बस्ने २९ वर्षीय रजमान चौधरी आफ्नै
घर नजिक रहेको कुवामा आइतबार मृत अवस्थामा फेला परेका छन् ।
यता चितवन, भरतपुर महानगरपालिका-१८ हरियार पार्कस्थित नारायणी नदीको किनारमा हाल नाम, थर, वतन नखुलेका अन्दाजी २५ वर्षीय पुरूष शनिबार मृत अवस्थामा फेला परेका छन् । यस सम्बन्धमा प्रहरीले आवश्यक अनुसन्धान गरिरहेको छ ।
प्रतिक्रिया राख्नुहोस्