देशका विभिन्न स्थानबाट जुवातास खेलिरहेको अवस्थामा १४ जना पक्राउ परेका छन् । दाङ, गढवा गाउँपालिका-७ भोजपुर बस्ने ३१ वर्षीय कृष्णराम चौधरीको घरमा जुवातास खेलिरहेको अवस्थामा चौधरी समेत ८ जनालाई मंगलबार बिहान प्रहरीले पक्राउ गरेको छ ।
इलाका प्रहरी कार्यालय गढवाबाट खटिएको प्रहरीले उनीहरूलाई नगद १८ हजार २ सय ६० रूपैयाँ र १ बुक तास सहित पक्राउ गरेको हो । त्यस्तै कास्की, पोखरा महानगरपालिका-१७ बिरौटा बस्ने ५२ वर्षीय भरत बहादुर ठकुरीको ठकुरी खाजा घरभित्र जुवातास खेलिरहेको अवस्थामा ठकुरी समेत ६ जनालाई सोमबार राति प्रहरीले पक्राउ गरेको छ ।
वडा प्रहरी कार्यालय बैदामबाट खटिएको प्रहरीले उनीहरूलाई नगद ७९ हजार ९ सय ७० रूपैयाँ र १ बुक तास सहित पक्राउ गरेको हो । यस सम्बन्धमा प्रहरीले आवश्यक अनुसन्धान गरिरहेको छ ।
प्रतिक्रिया राख्नुहोस्