संसदको चौथो ठूलो राजनीतिक दल राष्ट्रिय स्वतन्त्र पार्टी (रास्वपा) सभापति रवि लामिछाने सहकारी ठगीको आरोपमा पक्राउ परेपछि त्यसको बिरोध गर्ने अन्य नेता र सासदहरु पनि अदालत धाउनुपर्ने भएको छ ।
मंगलबार सर्वोच्च अदालतले रास्वपा नेताहरु अदालती कारबाहीमा अबरोध गरेर अवहेलना गरेको विषयमा रिट दर्ता गर्ने आदेश दिएपछि रास्वपा नेताहरुमाथि अर्को संट आइलागेको छ ।
मंगलबारको आदेश लगत्तै आज बुधबार सर्वोच्च अदालतमा अवहेलना दर्ता भएको छ । मुद्दा दर्ताको जानकारी नेताहरूले पाएपछि दिउँसो दुई बजे गर्ने भनिएको पत्रकार सम्मेलन स्थगित भएको छ ।
रास्वपाले पार्टी सभापति रवि लामिछाने पक्राउको विरोधमा विरोध प्रदर्शन गर्दै आएको थियो । आज विरोधका दोस्रो चरणको नयाँ कार्यक्रम सार्वजनिक गर्ने तयार थियो । तर अदालतको अवहेलनामा रास्वपाका १९ सांसदमाथि मुद्दा हालिएको छ ।
सर्वोच्च अदालतले रास्वपाका अधिकांश केन्द्रीय पदाधिकारीमाथि अपहेलना मुद्दा दर्ताको आदेश गरेको छ । सहरजिस्टारको आदेशले दरपीठ भएको मुद्दा दर्ताको आदेश मङ्गलबार भएको हो ।
न्यायाधीश विनोद शर्माको एकल इजलासले अधिवक्ता अनुपम भट्टराई निवेदक रहेको मुद्दा दर्ताको आदेश गरेको हो।
सभापति रवि लामिछाने पक्राउ परेपछि अदालतको न्यायिक कार्यमा अवरोध पुग्ने गरी प्रदर्शन गरेको, आफ्ना अभिव्यक्तिमार्फत अदालतलाई प्रभावमा पार्ने र धम्क्याउने काम गरेको जिकिर मुद्दामा गरिएको छ । यस्तै न्यायाधीशमाथि अप्रमाणित आक्षेप लगाएको दाबी पनि मुद्दामा गरिएको छ ।
लामिछानेबाहेकका रास्वपाका १९ सांसदमाथि नै अवहेलना दर्ता गरिएको छ। यस्तै बागमती प्रदेश सभापति अच्युतम लामिछानेमाथि पनि मुद्दा दायर भएको छ ।
प्रतिक्रिया राख्नुहोस्