सहकारी रकम ठगीमा प्रत्यक्ष संलग्न रहेको भन्दै संसदीय छानबिन समितिले किटानी गरिनुभएका नेपाली कांग्रेसका उपसभापति धनराज गुरुङलाई नेपाल प्रहरीको केन्द्रीय अनुसन्धान ब्यूरो (सिआइबी)ले कार्यालयमा बोलाएर सोधपुछ गरेको छ ।

सहकारी ठगीमा प्रत्यक्ष संलग्नता नपाइए पनि राष्ट्रिय स्वतन्त्र पार्टीका सभापति रवि लामिछानेलाई पक्राउ गरी अनुसन्धान भैरहँदा गुरुङलाई भने सिआईबीले निम्तो दिएर सोधपुछ गरेको छ ।

गुरुङमाथि अनुसन्धान नै गरेको भन्दै सरकारको आलोचना भैरहेका बेला यस प्रकरणले विरोधीहरुलाई जवाफ दिन भने सरकारले पाउने भएको छ ।

बुधबार लाजिमपाटस्थित सिआइबीको कार्यालयमा उहाँसँग मितेरी सहकारीको बचत रकम अपचलनका विषयमा उठेका प्रश्नका विषयमा सोधपुछ गरिएको ब्यूरो प्रमुख, प्रहरी अतिरिक्त महानिरीक्षक दीपक थापाले राससलाई जानकारी दिनुभयो ।

बयान लिएपछि उहाँसँग घटना विवरण कागजसमेत गराइएको सिआइबीले जनाएको छ । ललितपुरमा रहेको मितेरी बचत तथा ऋण सहकारी संस्थाको रु १२ करोड ५० लाख रकम अपचलन भएको निवेदन परेपछि सिआइबीले अनुसन्धान गरिरहेको छ ।

धनराजमाथि १५ करोड ठगीको उजुरी, छानबिनको माग (भिडियोसहित)

सिआइबीद्वारा धनराज गुरुङ मुछिएको मितेरी सहकारीको अनुसन्धान सुरु