यही मंसिर १५ गतेदेखि काठमाडौंमा सुरु हुने नेपाल प्रिमियर लिग (एनपिएल)मा सहभागी टोली लुम्बिनी लायन्सले जर्सी सार्वजनिक गरेको छ ।
शनिबार लुम्बिनीको मायादेवी मन्दिरमा टोलीको ब्रान्ड एम्बेसडर नायक राजेश हमाल, मार्की खेलाडी एवं राष्ट्रिय टोलीका कप्तान रोहितकुमार पौडेल र आनी छोइङ डोल्माले जर्सी सार्वजनिक गर्नुभयो ।
जर्सी लुम्बिनी प्रदेशको प्रतिनिधित्व हुने र स्थानीय संस्कृति झल्कने गरी डिजाइन गरिएको बताइएको छ । गाढा नीलो रङ्गको जर्सीमा सुनौलो रङ्गको किनारा रहेको छ भने बायाँ भागमा आक्रामक अवतारको सिंहको टाउको प्रतीक रहेको छ ।
नेपाल क्रिकेट सङ्घ (क्यान)ले आयोजना गर्न लागेको एनपीएल मङ्सिर १५ देखि पुस ६ गतेसम्म त्रिवि मैदान कीर्तिपुरमा हुनेछ ।
प्रतिक्रिया राख्नुहोस्