नेपालको अन्डर–१९ महिला क्रिकेट टीमकी कप्तान पूजा महतोलाई गृहजिल्ला महोत्तरीमा नगर परिक्रमासहित सम्मान गरिएको छ ।
युएईको दुबईमा भर्खरै सम्पन्न अन्डर–१९ महिला विश्वकप छनोट प्रतियोगितामा विजयी हुँदै विश्वकप र एसियाकपका लागि छनोट गराउन सफल महतोको योगदानको कदर गर्दै सम्मान गरिएको हो
महिला क्रिकेटमा पहिलोपटक विश्वकपमा छनोट गराएर सिङ्गो देशलाई विश्वसामु चिनाएकी कप्तान महतोलाई शुक्रबार महोत्तरी सदरमुकाम जलेश्वरमा सम्मानसहित नगर परिक्रमा गराइएको हो ।
एकाएक राष्ट्रिय हिरो बन्नन सफल पूजालाई यतिबेला सम्मान र पुरस्कार ग्रहण गर्न भ्याइनभ्याए छ । काठमाडौंबाट आफ्नो घर महोत्तरीको गौशाला नगरपालिका–९ डुमरवाना पुगेकी पूजालाई त्यसयता दिनहुँ बधाई दिने र सम्मान तथा पुरस्कार दिनेको लाम लाग्ने गरेको छ ।
गत सोमबार पूजालाई एनपीएल टोली जनकपुरधाम बोल्ट्सले ‘फेस अफ दी बोल्ट्स’ को रुपमा सार्वजनिक गर्दै ५० हजार रुपैयाँ पुरस्कार समेत प्रदान गरेको थियो ।
प्रतिक्रिया राख्नुहोस्