प्रकृतिले महिलालाई सन्तान प्राप्तिको निश्चित नियम र उमेर दिएको छ । तर, आजभोलि त्यो प्राकृतिक नियम र समय विपरीत हुँदै वयोवृद्ध उमेरमा सन्तान जन्माउन थालिएको छ ।
बच्चा जन्माउने उमेर बढीमा ५० वर्षसम्म हुन्छ भन्ने गरिए पनि उत्तरी म्यासेडोनियामा ६१ वर्षीया वृद्ध महिलाले बच्चा जन्माएर सो देशको सबैभन्दा वृद्ध आमा बन्न सफल भएकी छिन् ।
स्कोप्जे युनिभर्सिटी क्लिनिक अफ गाइनेकोलोजी एन्ड अब्स्टेट्रिक्सका निर्देशक इरेना अलेक्सियोस्का पपेस्टिभका अनुसार नाम उल्लेख नगरिएकी नयाँ आमा इन भिट्रो फर्टिलाइजेसन प्राप्तकर्ता थिइन् ।
“६१ वर्षीया बिरामीले बच्चा पेटरको जन्मले चिकित्सा संसारमा अब कुनै सीमा छैन भनेर देखाउँछ”, पपेस्टिभले पत्रकार सम्मेलनमा पत्रकारहरूलाई भन्नुभयो ।
पपेस्टिभका अनुसार चिकित्सकहरूले उनको गर्भावस्थाको समयमा बिरामीलाई नजिकबाट अनुगमन गरेका थिए । जसमा उनलाई उच्च रक्तचाप र मधुमेह भएको पत्ता लागेको थियो ।
उहाँले बिरामीले विगतमा १० अलग–अलग इन विट्रो उपचारहरू गराएकी जानकारी दिनुभयो । उत्तर म्यासेडोनियामा इन भिट्रो उपचार प्रयोग गर्ने महिलाका लागि कुनै उमेर सीमा छैन ।
अधिकारीहरूका अनुसार आमा र नवजात शिशुलाई मङ्गलबार अस्पतालबाट डिस्चार्ज गरिएको थियो । बच्चाको बुबाको उमेर ६५ वर्ष भएको बताइएको छ ।
आधिकारिक तथ्याङ्कअनुसार उत्तर मेसेडोनियाको प्रजनन दर सन् २०२३ मा प्रति महिला १.४८ जन्म थियो । सन् १९९१ मा स्वतन्त्रता घोषणा गरेदेखि उत्तर मेसेडोनियाले स्थगित अर्थतन्त्रका बीचमा आफ्ना धेरै मानिस बसाइँ सरेको देखेको छ ।
मुलुकमा केवल १८ लाख बासिन्दा छन् । यो गत सन् २०२१ मा सञ्चालित अन्तिम जनगणनाका अनुसार करिब दुई दशकमा करिब १० प्रतिशतले घटेको छ ।
प्रतिक्रिया राख्नुहोस्