यस वर्षको शरद ऋतुमा विभिन्न हिमाल आरोहणका लागि नेपालसहित ७३ देशबाट एक हजार दुई सय ९४ जनाले आरोहण अनुमति लिएका छन् ।
पर्यटन विभागका अनुसार यस यामको आरोहणमा विभिन्न ४६ हिमाल आरोहण गर्न एक सय ५९ आरोही समूहका दुई सय ९४ महिला र एक हजार ७२ पुरूष गरी एक हजार दुई सयभन्दा बढीले अनुमति पाएका हुन् ।
यस यामको आरोहण अनुमति गत शुक्रबार सकिएको विभागका निर्देशक राकेश गुरूङले बताउनुभो । उहाँका अनुसार यो पटक आमादब्लम हिमाल आरोहणका लागि सर्वाधिक ४१ आरोही समूहका चार सय एकासीले अनुमति लिएका छन् ।
यस्तै मनास्लु हिमाल आरोहणमा २८ आरोही समूहका तीन सय आठ, हिम्लुल आरोहणका लागि १२ आरोही समूहका एक सय ४४ तथा धौलागिरीमा एक आरोही समूहका १४ आरोहीले अनुमति लिएको विभागको पर्वतारोहण शाखाले जनाएको छ ।
हिमाल आरोहणवापत रू आठ करोड ५८ लाख ८३ हजार चार सय ४६ रोयल्टी रकम सरकारी खातामा जम्मा भएको छ । मनास्लु र हिम्लुङको आरोहण सकिएको छ । अमादब्लमलगायत हिमालको आरोहण धमाधम भइरहेको छ ।
प्रतिक्रिया राख्नुहोस्