देशका विभिन्न स्थानबाट मृत अवस्थामा सात जना फेला परेका छन् । सल्यान, शारदा नगरपालिका-१ शान्तिनगर बस्ने ६६ वर्षीय डम्बर बुढाथोकी आफ्नै घरमा शनिबार मृत अवस्थामा फेला परेका छन् ।
त्यस्तै बागलुङ, बडिगाड गाउँपालिका-६ छिसफाटस्थित नालीको पानीमा सोही गाउँपालिका-७ बस्ने ४० वर्षीय जनक रावल आइतबार मृत अवस्थामा फेला परेका छन् । यस्तै स्याङ्जा, पुतलीबजार नगरपालिका-३ काफलडाँडा घर्तिगाउँ बस्ने ६३ वर्षीय गोपाल घर्ति सोही ठाउँस्थित गोरेटो बाटोमा शनिबार मृत अवस्थामा फेला परेका छन् ।
यता धादिङ, धुनिवेशी नगरपालिका-५ अमलेचौर बाह्रबिसेस्थित सत्य ईट्टाभट्टाको कम्पाउण्डभित्र सोही नगरपालिका-८ बरथुम्की बस्ने २६ वर्षीय ईश्वर लामा आइतबार मृत अवस्थामा फेला परेका छन् । जुटा सर्लाही, लालबन्दी नगरपालिका-६ स्थित शिव मन्दिरको प्रतिक्षालयमा महोत्तरी बर्दिबास नगरपालिका-१४ घर भएका ५५ वर्षीय मोहन साह सोनार आइतबार मृत अवस्थामा फेला परेका छन् ।
यसैगरी सर्लाही, बरहथवा नगरपालिका-३ झिगाही टोल बस्ने ४५ वर्षीया सिकिलिया देवी महतो आफ्नै घरमा आइतबार मृत अवस्थामा फेला परेकी छिन् । उता कपिलवस्तु, शिवराज नगरपालिका-६ पैकिवण्डा बस्ने शालिकराम अहिरको छोरी १५ वर्षीया शान्ति यादव सोही ठाउँस्थित गडगौडा खोलामा आइतबार मृत अवस्थामा फेला परेकी छिन् । यस सम्बन्धमा प्रहरीले आवश्यक अनुसन्धान गरिरहेको छ ।
प्रतिक्रिया राख्नुहोस्