नेपालमा मंकिपक्स संक्रमण पुष्टि भएपछि सरकारले शतर्कता अपनाउन आम नागरिकलाई आव्हान गर्दै यसको लक्षण देखिएमा तुरुन्त चिकित्सकलाई सम्पर्क गर्न अनुरोध गरेको छ ।
बिहीबार साउदी अरेबियाबाट फर्किएका एक युवालाई जाँच गर्दा शुक्रबार पंकीपक्स पोजेटिभ देखिएपछि स्वास्थ्य तथा जनसंख्या मन्त्रालयले विज्ञप्ति जारी गर्दै आवश्यक सावधानी अपनाउन आव्हान गरेको हो ।
मन्त्रालयले यसबाट बच्न संक्रमण पुष्टि भएका वा शंकास्पद व्यक्तिसँग असुरक्षित सम्पर्कमा नजान र मंकीपक्ससँग मिल्दो लक्षण भेटिए अस्पताल गएर चिकित्सकको सल्लाह लिन अनुरोध गरेको छ ।
यसै गरी मन्त्रालयले आवश्यक परामर्शका लागि मन्त्रालयको हेलो स्वास्थ्य कल सेन्टर १११५ मा सम्पर्क गर्न सूचित गर्दै यसको निदानका लागि हरेक प्रदेशमा अस्पतालबाट तोकसकेकोले त्यहाँ सम्पर्क गरी परामर्श लिन मन्त्रालयको विज्ञप्तिमा उल्लेछ ।
मंकीपक्सबाट बच्न के गर्ने ?
– संक्रमित व्यक्तिलाई घर वा अस्पतालमा आइसोलेशनमा राख्ने
– संक्रमित व्यक्तिको हेरचाह गर्नेले पूर्णरुपमा जनस्वास्थ्य मापदण्डहरू पालना गर्ने
– घाउसँग प्रत्यक्ष सम्पर्क हुने जोखिम भए पन्जा लगाउने
– नियमित रुपमा साबुनपानीले हात धुने वा स्यानीटाइजरको प्रयोग गर्ने
– संक्रमित व्यक्तिका लुगा तथा सामानहरू तातो पानी साबुन र डिटर्जेन्टले धुने
– मंकीपक्सको पुष्टि भइ मरेका जनावरको सम्पर्कमा नजाने
– संक्रमितको सम्पर्कमा आएका व्यक्तिले परीक्षण गर्ने
– संक्रमितको सम्पर्कमा आएको सतह, स्थान वा कोठा डिटर्जेन्टले निसंक्रमण गर्ने
– मासुजन्य खानेकुरा राम्ररी पकाएर मात्र खाने
– फोहोरलाई उचित स्थानमा व्यवस्थापन गर्ने कार्य गर्ने
प्रतिक्रिया राख्नुहोस्