अन्तर्राष्ट्रिय बजारमा सुनको मूल्य सामन्य घटेसँगै त्यसको प्रभाव स्थानीय बजारमा पनि परेकोे छ । आज सुन र चाँदीको मूल्य सामान्य घटेको हो ।
हिजो मंगलबारको तुलानामा आज प्रतितोला सुनको मूल्य रू एक सयले घटेको हो । मंगलबार प्रतितोला रू एक लाख ४९ हजार आठ सयमा कारोबार भएको सुन आज बजार खुलेसँगै रू एक लाख ४९ हजार सात सयमा खरिदबिक्री भएको नेपाल सुनचाँदी व्यवसायी महासङ्घले जनाएको छ ।
यस्तै चाँदीको मूल्य पनि घटेको छ। मंगलबार तोलामा १ हजार ८०५ रुपैयाँ कायम भएको चाँदीको मूल्य आज पाँच रुपैयाँ घट्दै एक हजार ८०० मा कारोबार भएको महासंघको भनाइ छ ।
प्रतिक्रिया राख्नुहोस्