मृत अवस्थामा तीन जना फेला

देशका विभिन्न स्थानबाट मृत अवस्थामा तीन जना फेला परेका छन् । हुम्ला, सिमकोट गाउँपालिका-५ स्थित सडक छेउमा सोही गाउँपालिका-४ स्याम्ने बस्ने ४४ वर्षीय माधव महत सोमबार मृत अवस्थामा फेला परेका छन् ।

त्यस्तै मकवानपुर, हेटौंडा उपमहानगरपालिका-१ स्वर्गलोक बस्ने लिलामणी पौडेलको घरको बार्दली मुनी मनहरी गाउँपालिका-३ हाडीखोला घर भएकी ३७ वर्षीया सिता ब्लोन सोमबार मृत अवस्थामा फेला परेकी छन् ।

यस्तै पर्वत, जलजला गाउँपालिका-८ खनियाँघाटस्थित कालिगण्डकी नदीको किनारमा हाल नाम, थर, वतन नखुलेका अन्दाजी ३६ वर्षीय पुरूष सोमबार मृत अवस्थामा फेला परेका छन् । यस सम्बन्धमा प्रहरीले आवश्यक अनुसन्धान गरिरहेको छ ।