देशका विभिन्न स्थानबाट मृत अवस्थामा चार जना फेला परेका छन् । गोरखा, पालुङटार नगरपालिका-६ ठुला चौरस्थित बुढीकुवामा सोही ठाउँ बस्ने ६७ वर्षीया कृष्णमाया कामी बिहीबार मृत अवस्थामा फेला परेकी छिन् ।
त्यस्तै पर्वत, जलजला गाउँपालिका-७ खनिँयाघाटस्थित कालीगण्डकी नदीमा हाल नाम, थर, वतन नखुलेका अन्दाजी ५० वर्षीय पुरूष बुधबार मृत अवस्थामा फेला परेका छन् । यस्तै मकवानपुर, हेटौंडा उपमहानगरपालिका-९ लामसुरेस्थित नालामा सोही उपमहानगरपालिका-१३ बस्ने ६० वर्षीय मिन बहादुर बल बुधबार मृत अवस्थामा फेला परेका छन् ।
उता खोटाङ, साकेला गाउँपालिका-३ बस्ने ४० वर्षीय मोतिलाल राई सोही ठाउँस्थित खोलामा बुधबार मृत अवस्थामा फेला परेका छन् । यस सम्बन्धमा प्रहरीले आवश्यक अनुसन्धान गरिरहेको छ ।
प्रतिक्रिया राख्नुहोस्