जापानका लागि नेपाली दूताबास टोकियोले सो मुलुकमा रहेका नेपालीहरुलाई उपलब्ध गराउँदै आएको राहदानीको पृष्ठसंख्या बढाउनुका साथै सो वापतको शुल्कमा पनि परिवर्तन गरेको छ ।
दूतावासले फेब्रुअरी १२ बुधबार एक सार्वजनिक सूचना जारी गरी हाल उपलब्ध भैरहेको ३४ पृष्ठका राहदानी ६६ पृष्ठको गरिएको र सो वापतको शुल्क ३१ हजार येन तोकिएको जनाएको छ ।
यसै गरी दूतवासले हराएको, च्यातिएको, केरमेट भएको वा अन्य कारणले राहदानी प्रयोग गर्न नसकिने भएको ३४ पृष्ठको राहदानी नवीकरण शुल्क ३५ हजार येन तोकेको छ ।
दूतावासका अनुसार कुनै पनि कारणबाट प्रयोग गर्न नसकिने अवस्थामा रहेको नाबालिकको ३४ पृष्ठको राहदानी नवीकरण शुल्क १८ हजार येन तोकिएको छ ।
त्यस्तै हराएको, च्यातिएको, केरमेट भएको वा अन्य कारणले राहदानी प्रयोग गर्न नसकिने भएको ६६ पृष्ठको राहदानी नवीकरण शुल्क ४६ हजार येन तोकेको छ ।
प्रतिक्रिया राख्नुहोस्