नेकपा एमालेको युवा संगठन राष्ट्रिय युवा सङ्घ नेपालद्वारा एन्फा कम्प्लेक्स सातदोबाटोमा आयोजित तेस्रो केपी ओली कप च्याम्पियनसिप शुभारम्भ भएको छ।
आइतबार प्रधानमन्त्री एवं नेकपा (एमाले)का अध्यक्ष केपी शर्मा ओली, युवा तथा खेलकुदमन्त्री तेजुलाल चौधरी, वरिष्ठ कलाकार हरिवंश आचार्यसहितले प्रतियोगी खेलाडीलाई बल प्रदान गरेर खेलको शुभारम्भ गर्नुभएको हो।
प्रथम महिला राधिका शाक्यसहित पुग्नुभएका प्रधानमन्त्री ओलीले एपिएफ क्लब, नेपाल र ब्लाक बोल्ट क्लब, उज्बेकिस्तानबिचको पहिलो खेल अवलोकन गर्नुभएको थियो।
कार्यक्रममा प्रधानमन्त्री ओलीको ७४ औँ जन्मदिनका अवसरमा उहाँलाई विशेष उत्सवसहित शुभकामना दिइएको थियो। कलाकार बद्री पंगेनी र समीक्षा अधिकारीले गीतबाटै प्रधानमन्त्री ओलीलाई सुस्वास्थ्य र दीर्घायुको कामना गर्नुभएको थियो।
प्रतिक्रिया राख्नुहोस्