स्थानीय बजारमा आज सुनको मूल्यले पुनः नयाँ कीर्तिमान कायम गरेको छ । लगातार वृद्धि हुँदै आएको सुनको मूल्यमा आज भएको वृद्धिपछि हालसम्मकै उच्च मूल्य कायम भएको हो ।
अन्तर्राष्ट्रिय बजारमा पनि लगातार सुनमा मूल्य वृद्धि हुँदा त्यसको प्रभाव स्थानीय बजारमा परेको हो । नेपाल सुनचाँदी व्यवसायी महासङ्घका अनुसार आज सुन तोलामा रु पाँच सयले वृद्धि भएको छ ।
सोमबार प्रतितोला रु एक लाख ७० हजार आठ सयमा कारोबार भएको छापावाला सुन आजका लागि रु एक लाख ७१ हजार तीन सय निर्धारण भएको छ । यसअघि छापावाल सुनको मूल्य तोलामा १ लाख ७१ हजार रुपैयाँसम्म पुगेको थियो ।
यता, चाँदीको मूल्य भने तोलामा रु १५ ले घटेको छ । सोमबार प्रतितोला रु एक हजार नौ सय ८५ मा कारोबार भएको चाँदी आजका लागि भने रु एक हजार नौ सय ७० निर्धारण भएको छ ।
प्रतिक्रिया राख्नुहोस्