जापानको बेरोजगारी दर अघिल्लो वर्षको तुलनामा घटेको छ । गत वर्षको जनवरीको तुलनामा रोजगारहरुको संख्या ६ लाख ५० हजारले वृद्धि भएको थियो । हाल जापानमा बेरोजगारी दर २.५ प्रतिशत रहेको छ, जुन अघिल्लो महिनाकै बराबर छ ।
आन्तरिक मामिला तथा सञ्चार मन्त्रालयको तथ्याङ्कले देखाए अनुसार हाल जापानमा रोजगार व्यक्तिहरूको सङ्ख्या ६ करोड ७७ लाख ९० हजार रहेको छ ।
जापानको राष्ट्रव्यापी काम–देखि–आवेदक अनुपात जनवरीमा १.२६ थियो, अर्थात् त्यहाँ प्रत्येक १०० जागिर खोज्नेहरूको लागि १२६ जागिरहरू थिए, जुन अघिल्लो महिनाको तुलनामा ०.०१ अङ्कले बढेको स्वास्थ्य, श्रम तथा कल्याण मन्त्रालयबाट जारी भएको तथ्याङ्कले देखाएको छ ।
केही कम्पनीले श्रमिक अभावका कारण जागिरको दरबन्दी बढाउँदै लगेको छ भने कतिपयले बढ्दो लागतका कारण नयाँ कर्मचारी भर्ना गर्न सङ्घर्ष गरिरहेको मन्त्रालयले जनाएको छ ।
प्रतिक्रिया राख्नुहोस्