झापा र बागलुङबाट विभिन्न धनमाल चोरी भएको छ । झापा, अर्जुनधारा नगरपालिका-६ दासपुल बस्ने लक्ष्मी संग्रौलाको घरबाट ९ तोला बराबरको सुनका विभिन्न गरगहना र ३ तोला चाँदी गरी करिब १५ लाख रूपैयाँ बराबरको धनमाल बिहीबार बिहान चोरी भएको छ ।
त्यस्तै बागलुङ, गलकोट नगरपालिका-४ ओखरबोट बस्ने ३६ वर्षीया देउरूपा न्यौपानेको घरबाट ५ तोला बराबरको सुनका विभिन्न गरगहना, मोबाइल १ थान र नगद १२ हजार रूपैयाँ शुक्रबार साँझ चोरी भएको छ ।
प्रहरीले चोरीमा संलग्न हाल फरार व्यक्तिहरूको खोजी गर्नुका साथै यस सम्बन्धमा आवश्यक अनुसन्धान गरिरहेको छ ।
प्रतिक्रिया राख्नुहोस्