नेकपा माओवादी केन्द्रका अध्यक्ष पुष्पकमल दाहाल प्रचण्डले राजतन्त्र पुनस्थापनाको सपना देख्न डराएकाहरु आज सडकमै ओर्लिएर ‘सडकबाटै राजतन्त्र पुनस्थापनाको चुनौती दिनुका पछाडि कुशासन रहेको बताउनुभएको छ ।
मंगलबार प्रतिनिधिसभालाई सम्बोधन गर्दै पूर्व प्रधानमन्त्री, प्रमुख प्रतिपक्षी दलका नेता प्रचण्डले पछिल्ला ८ महिनामा सत्तामा रहेका पार्टीले प्रदर्शन गरेका शासकीय शैली र त्यसबाट उत्पन्न असन्तोष नै यसको मूल कारण रहेको पनि बताउनुभयो ।
अध्यक्ष प्रचण्डले राजावादीको प्रदर्शनमा देशभित्र र बाहिरका चलखेल पनि मिसिएको बताउँदै नेपालमा यस्ता चलखेल हिजो पनि थिए, अस्ति पनि थिए । अहिले अचानक वृद्धि किन भयो प्रश्न छ भन्दै उपरोक्त धारणा राख्नुभएको हो ।
प्रमुख प्रतिक्षी दलका नेता समेत रहनुभएका अध्यक्ष प्रचण्डले प्रमुख प्रतिपक्षी दलको नेता संसदको रोष्टममा उभिएर बोल्दा प्रधानमन्त्री निरन्तर उपस्थित नहुनु लोकतन्त्रको अवमूल्य भएको पनि बताउनुभएको छ ।
यसै गरी अध्यक्ष प्रचण्डले राष्ट्रिय स्वतन्त्र पार्टीका सभापति रवि लामिछानेको सांसद पद निलम्बनप्रति असन्तुष्टि व्यक्त गर्दै प्रमुख प्रतिपक्षी दलको नेता संसदमा सम्बोधन गर्दा प्रधानमन्त्री उपस्थित नहुने र अर्का नेतालाई नलम्बनमा राखेर संसदीय पद्धतिकै उपहास गरेको बताउनुभयो ।
प्रतिक्रिया राख्नुहोस्